Wahwah's life

自從迪士尼新開左 Iron man 之後 , 一直想搵機會去玩 . 2 月同 3 月一日公眾假期都冇 , 上星期請左一日假入去迪士尼玩 , 當比自己休息下都好 . 去到先發現 , 由 3 月 17 日起至 5 月 28 日 , 有期間限定的迪士尼明星春日嘉年華 . 園內周圍都會見到迪士尼花蛋 , 另外有特別版的花車巡遊 , 有朱迪同呀力 , 不過呀閃去左邊呀 ? 我想要呀閃呀 ! 不過今次去迪士尼最主要的目的就緊係玩 Iron Man. 鐵甲奇俠飛行之旅位於明日世界區域 , 除左鐵甲奇俠飛行之旅 , 還有鐵甲奇俠裝備展 , 遊客可以同 Iron Man 合照 , Iron Man 既出場方式好特別 , 鐘意 Iron Man 的 Fans 一定要去睇呀 . 不過提提大家同 Iron Man 有分時段 , 記得入場時去睇清楚當日的時間表 . 最好早少少去排隊 , 因為都幾多人 , 而且每次只係放 10 幾個人 , 所以等既時間都比較耐 . 講返鐵甲奇俠飛行之旅呢個機動遊戲先 , 其實一句講完 , 只係一間用 Iron Man 做主題的動感影院 . 反而隔離的 space mountain 轉左做 Hyperspace mountain 之後 , 加入左星戰既原素 , 雖然路軌沒有改變過 , 但感覺好似好玩左同緊張左 . 明日世界 都比以前好玩左 . 玩左成日 ,  緊係要睇埋 Night paint 同煙花先走啦 . 雖然兩個都唔係第一次睇 , 但係每次黎迪士尼都係必睇, 每次睇都覺得好靚.    最後不得不提 , 今次去迪士尼明顯內地遊客少左 , 但係反而日本 , 韓國遊客多左 . 排隊唔洗排得咁辛苦 !!

Mango Tree 地址 : 尖沙咀柯士甸道西 1 號圓方 (Elements)2 樓 2032 號舖 電話 : 2668 4884 之前因為工作關係 , 經常都會到九龍站 Elements 食野 , 今次就去試左一間泰國餐廳 . 餐廳裝修好有格調 , 地方好舒服 , 好適合情侶黎 , 而且係 Elements 黎講價錢算唔太貴 , 我同男朋友點左一個炒金邊粉 , 泰式牛肉炒飯 , 串燒拼盤同一個椰青 , 都係 500 左右 , 而且 D 野食 overall 都唔錯 . 首先係個炒金邊粉 , 賣相一流 . 味道比起泰國既比較淡味 , 唔夠酸 , 如果酸返小小就完美啦 . Pad Thai 另外個泰或牛肉炒飯 , 一上台既時候非常之香 , 個飯辣辣地 , 好開胃 . 個飯炒得唔會好乾 , 相反仲有小小偏油 , 炒到每粒飯都好令身 , 食落去真係好有罪惡感 , 但太好味唔理得咁多啦 , 食完先減啦 😋 Basil Beef Rice   串燒有雞 , 牛 , 豬 . 三種都好好味 , 啖啖肉 . 通常出面食既串燒 , 牛都燒得麻麻地 ,好鬼硬, 但係呢度 D 牛又唔會 . Mix Satay 雖然呢度既泰國菜味道唔算好正中 , 而且同九龍城果 D 比較可能仲有 D 貴 , 但係環境咁舒服 ,   有得 BOOK 位 ,間唔中一次,  比貴小小都冇所謂啦 . 我果次 Lunch 時間去就冇限時,   唔洗食到趕頭趕命 , 另外,  通常有 Book 位既都會安排 window seat 比你, 餐廳望出去既夜景應該都唔錯架.

台灣美食 地址 : 太子花園街 215A 地下 電話 : 2782 6066 其實每一次去旺角都好頭痛去邊度食野 , 邊到冇咁多人 , 邊到唔洗等位 , 邊間唔會限時可以坐得耐 D, 最緊要係價錢合理同好食 . 呢間鋪頭其實都開左好多年 , 但係我一直都唔知 , 可能間鋪頭既位置我真係好少去 .  第一次去都係因為男朋友介紹 , 因為佢以前返學既時候好鐘意黎呢到食野 , 好有中學既回憶 . 點知試完一次之後我就愛上 , 基本上每次出旺角諗唔到有咩特別想食都會黎呢到 . 呢度唔算係好正宗既台灣野食 , 同平時出面食到既台灣野食有 D 唔同 . 佢既肉燥飯用既肉比較瘦 , 冇台灣果 D 咁多肥肉 , 岩晒女仔唔想食咁多肥肉 .   我最既至愛就係鹽酥雞球肉燥飯 . 佢既鹽酥雞球炸到 D 油迫晒出黎 , 食落唔會好油膩 , 又唔會好乾身 . 最正既就係比你點雞既汁 , 每次我同我男朋友都點到冇晒 , 好味到想問佢果汁點整 ^^. 鹽酥雞球肉燥飯   另外 , 佢呢度既飲品都唔錯架 , 唔會好似出面咁將貨就價 , 沖到好淡味 . 百香果綠茶同水蜜桃紅茶都係我地經常叫既 . 百香果綠茶 & 水蜜桃紅茶 呢度仲有好多小食都好食架 , 今次我地就試左炸魷魚鬚 , 都幾好食 , 不過食到尾好似有好多油係碟底 . 如果可以印得乾 D 就好啦 , 因為食到尾 D 魷魚鬚 好似有 D 油 , 但 overall 都 OK. 呢間鋪頭有另一間分店係西洋菜南街果邊 , 但好似都係總店呢一間好食 D! 我地食一個鹽酥雞球肉燥飯加杯野飲都係 $ 55. 加埋個小食 $ 42 ! 每人 76 蚊一餐 Dinner, 講真係唔算貴 .