坐得舒服又有靚景的泰國餐廳

Mango Tree

 地址: 尖沙咀柯士甸道西1號圓方(Elements)2樓2032號舖
電話: 2668 4884

之前因為工作關係, 經常都會到九龍站Elements食野, 今次就去試左一間泰國餐廳. 餐廳裝修好有格調, 地方好舒服, 好適合情侶黎, 而且係Elements黎講價錢算唔太貴,我同男朋友點左一個炒金邊粉, 泰式牛肉炒飯, 串燒拼盤同一個椰青, 都係500左右, 而且D野食overall 都唔錯. 首先係個炒金邊粉,賣相一流. 味道比起泰國既比較淡味,唔夠酸,如果酸返小小就完美啦.

Pad Thai

另外個泰或牛肉炒飯, 一上台既時候非常之香, 個飯辣辣地,好開胃. 個飯炒得唔會好乾, 相反仲有小小偏油, 炒到每粒飯都好令身, 食落去真係好有罪惡感, 但太好味唔理得咁多啦,食完先減啦 😋

Basil Beef Rice 

串燒有雞,牛,豬. 三種都好好味, 啖啖肉. 通常出面食既串燒,牛都燒得麻麻地,好鬼硬,但係呢度D牛又唔會.

Mix Satay

雖然呢度既泰國菜味道唔算好正中, 而且同九龍城果D比較可能仲有D貴, 但係環境咁舒服,  有得BOOK位,間唔中一次, 比貴小小都冇所謂啦.我果次Lunch時間去就冇限時, 唔洗食到趕頭趕命, 另外, 通常有Book位既都會安排window seat比你, 餐廳望出去既夜景應該都唔錯架.

留言

張貼留言

這個網誌中的熱門文章

隱世炸雞脾

圖片
寶城美食店 地址 : 紅磡馬頭圍道 37 號紅磡廣場地庫 2-3 號 電話 : 2333 0033 上網經常都會見到有 post 介紹 香港有咩餐廳炸雞脾好食 , 但係好似都少介紹這間餐廳 , 這間餐廳位於紅磡廣場地庫的寶城美食店 . 除了地點唔方便 , 餐廳亦非常囂張 . 餐廳只會係星期一至星期六營業 ,   營業時間 07:00-18:00. 星期日及公眾假期休息 . 唔做夜晚又唔做公眾假期 , 對於我地呢 D 返 1-5 既打工仔 , 除了星期 6, 平日 真係好難食到 .  好似唔憂做咁 . 呢度最出名緊係炸雞脾啦 , 次次黎食炸雞脾都熱拿拿 , 肉質鮮嫩 , 切開有肉汁流出 ! 我次次黎都食炸脾飯 , 佢有好多汁可以揀 , 有粟米汁 , 黑椒汁 , 豉油 , 磨菇汁 , 咖哩汁 , 沙嗲汁 , 蒜蓉汁 不過我最鐘意食都係西汁 . 除了炸脾飯 , 呢度既例湯都好好飲 , 佢呢度既例湯唔係味精湯黎架 , 所以飲完都唔會口渴 . 如果要飲真係要早少少黎 , 因為好快就賣晒 . 我的最愛就係椰子煲雞湯 . 
閱讀完整內容

德美壽司,物有所值?

圖片
德美壽司(紅磡) 電話號碼 : 2334 8884 地址 : 紅磡黃埔新村德民街 31 號地下 1B 舖 呢間係我一直都好想試既日本餐廳 , 因為見朋友成日去食 , 而且上網睇過 Openrice 既評分都唔係太差 . 佢好似有三間分店 , 我地今次係去紅磡果間 . 未講食物質數之前 , 先講下佢既服務態度 . 做左神秘人咁多年 , 我都見慣唔少服務態度差既餐廳 , 但係通常以我經驗 , 價錢貴少少既餐廳 , 通常服務態度都唔好差得去邊 .  相反一 D 連鎖 , 價錢大眾化既食肆就真係差到一個點 . 但係我想講德美呢間餐廳 , 都唔算係平價餐廳呀 , 但服務態度就真係麻麻地 .   首先 , 我地一入到去個接待員已經無咩笑容 , 坐左埋位一陣 , 係無侍應拎餐牌比我地 . 不過我可以原諒 , 因為我見招呼我地果位侍應似係一位新人 . 我見佢好似都比老細鬧咁 .  但係我想講下果位疑似老細 , 招呼我地入去果位接員就係佢 , 全程無笑容 , 黑口黑面 , 唔講以為我得罪左佢 . 不過我覺得無笑容都算啦 , 可能你真係唔鐘意笑 , 或者做野做到太攰呢 . 但係落單既時候 , 同客人有基本既眼神接觸都無 . 我唔知係咪職業病 , 或者我要求高啦 , 但係我覺得落單既時候 , 你簡單望一眼個客人都好呀 . 連同人講野要有眼神接觸既基本禮貌都無 .   好啦 . 唔講其他無為野 , 講下佢既食物質數 . 我地叫左一個刺身拼盤 , 牛油果軟殼蟹卷 , 牛肉炒飯 , 天婦羅凍烏冬 , 牛舌串同燒帆立貝 . 刺身好新鮮 , 好好味 , 最值得試 , 咁多樣野食之中最好味 . 另外 , 個牛油果軟殼蟹卷網上都好多人推介 , 都唔錯 , 幾好食 . 最鍾意就係佢既牛油果切得好厚 , 好好味 , 食落既感覺好豐富 . 最後佢既牛舌真係好好味 , 佢黎到既時候 , 已經忌唔住食左先 , 食左兩件先記得影相 . 牛肉炒飯同燒帆立貝都麻麻地 , 唔太特別 . 反而最令我失望既係個天婦羅凍烏冬 , 個烏冬唔算好好食 , 而個天婦羅就真係唔係好得 , D 蝦唔新鮮 , 炸得唔好食 , 仲要唔熱既 . 我寧願去隔離幾條街食三河屋 , 人地又平D又好食 D.  呢間餐廳係咪真係物有所值 , 真係
閱讀完整內容

2017 鹿兒島自由行- Day4

圖片
朝早去左中央站附近拎車 , 第一次自駕遊 , 上網見到 Times 呢間租車公司好似 OK, 而且佢係中央站前有得拎車 , 所以就揀左呢間啦 . 點知佢雖然寫中央站 , 我又無睇清楚地圖 , 原來黎中央站都幾遠下 . 拎住行李行到死下死下 . BB 話 不如佢去拎左車黎車我啦 , 但係用左我本 passport 去租車 , 一定要我去 . 下次醒目一定用有車牌果個人既 passport 去租車 . 終於搵到間鋪頭 , 雖然店員好多都唔識英文 , 但佢太多數既 catalog, 資料都有中英文比你睇 , 所以都唔難明 . 但係之後佢地冇啦啦叫我地加錢買多個唔知咩保險服務 ( 好似係保得多 D 野 ), 果到就好煩 , 對方搵左個識講英文既日本人係電話同我地溝通 . 但係佢 D 英文真係完全唔明 , 我地見唔係加多好多錢 , 就加埋個個保險算 . 搞完一大餐 , 有得上車 , 佢有單張介紹 GPS 點用 , 但係我地都係搞唔掂 . 我地明明上網訂左 GPS 係中文 , 點知又係顯示日文 . 最後要叫職員幫我地轉返使中文 , 但係佢所謂既中文都只係發聲既時候用普通話 , 個平幕顯示既都係日文 . 終於出發去霧島啦 , 揸左大約 1 個鐘車左右到左霧島 , 我地去左旅行人山莊 check in 先 . 呢間酒店職員大部分英文都好易明 , 唔難溝通 . 由於我地係一泊二食 , Check in 既時候佢會叫你揀埋時間食 Dinner, 同埋酒店每間房會包你 45 分鐘私人時間享用露天風呂 , Check in 既時候會叫你揀埋浸邊個 , 同埋 book 呢時間浸 . 我地都叫早黎 , 但係夜晚 8 點幾 ,9 點果 D 時間都比人 Book 左 , 我地就揀左 7:30 浸 . 佢有兩個溫泉比你揀 , 我地揀左比較受歡迎果個黎浸 . 揀完之後 , 職員會帶女仔去揀浴衣 , 女仔有得揀 , 但係男仔就得一款 , 冇得揀 . 搞掂好晒之後 , 我地就去搵野食啦 , 成日都未食過野 , 餓死人啦 . 頭先揸車經過見到霧島温泉市場有野食 , 我地就去左果度食 Lunch. 呢個雖然叫温泉市場 , 但係 10 間鋪頭都唔知有冇 .  我見 D 旅遊書介紹呢個霧島温泉市場係一個景點 , 我自己就覺得唔洗晒時間黎 , 當休息食個 Lunch 都 OK 既 . 食
閱讀完整內容