Wahwah's life

一樂燒鵝 地址 : 中環士丹利街 34-38 號地舖 電話號碼: 2525 3882  上星期同男朋友想去中環 PMQ 元創坊 , 平時好少去中環 , 所以都唔知有咩餐廳好食 . 上網搵下資料 , 發現一間出名食燒鵝瀨的餐廳 , 餐廳在 2015-2017 年獲得米芝蓮一星餐廳 . 我們去到的時候大約 1 點幾 , 門口大約有 8-10 個人等位 , 可能我是周六去 , 不是太多人 , 等了 10-15 分鐘已經有得入座 . 我們想了很久 , 最後還是決定食這裡最出名的燒鵝瀨 . 我們沒有指定要鵝脾 , 因為鵝脾大約 $100 一碗 , 太貴了 .   我們點了沒有指定部位的燒鵝瀨 , $53 一碗 . 如果沒有記錯指定要鵝胸要加 $3.   等了一會 , 燒鵝瀨到 . 湯的溫度好熱 ,   有少少咸 . 燒鵝每一件有少少肥膏 , 不會太油膩 . 燒鵝皮燒到有少少脆 , 非常好味 . 雖然一碗要 $53, 但燒鵝都好多 , 而且在中環區 , 真的不算太貴 . 最後要提一提 , 食完之後 , 我上 openrice 看有關這間餐廳的評論都有提到他們員工的服務態度很差 , 但我今次的經驗完全沒有這個感覺 , 反而我覺得他們的服務態度不錯 . 我們發現有不少遊客冒名而來 , 即使他們雞同鴨講 , 侍應仍然盡量解釋及了解客人的需要 . 

麵屋丸京 地址 : 葵芳興芳路 188 號地舖 電話 : 6107 5869 我男朋友既至愛就係拉麵 , 好多大大小小既拉麵店 , 我地見有人推介就會去試 , 今次食呢間無記錯好似上年先開 . 上星期見 BB 陪我行葵涌廣場咁好 , 就同佢去食拉麵慰勞下佢啦 . 初初上網點解會留意到呢間鋪頭 , 係比佢碗拉麵個樣吸引到 , 佢成碗麵擺滿左叉燒 , 而且有朋友話呢間都唔錯 , 所以就一直放左係 waiting list 準備試 . 上星期終於有機會去試 . 我地大約夜晚 7 點幾去食 , 間鋪唔係好大 , 我地都等左一陣 , 不過好快就有位 .  BB 就叫左個極上拉麵 , 而我就叫左個半熟卵拉麵 . 個拉麵黎既時候 , 第一眼望到 D 叉燒既色水 , 唔多吸引 , 好粉紅色 , 好似未熟咁 , 同平時食開果 D 好唔同 . 不過上網睇過好似佢既煮法係用低溫慢煮 , 同平時燒叉燒果 D 唔同 . 但係食左第一啖之後 , 竟然比我相象中好咪 , 肉質好淋 , D 叉燒好好食 . 湯底比較濃味同埋 ” 杰 ”, 岩晒我地鐘意口味 . 不過如果平時鐘意食清 D 既湯底 , 呢間就可以唔洗試 , 你地可能會覺得湯底好咸 . 極上拉麵 $83 唔知係咪湯底比較 “ 杰 ”, 我食果碗已經係正常 , 無咁多叉燒果款 , 食到尾都差 D 食唔晒 , 好鬼飽 , 所以女仔其實食正常果款就 OK, 唔洗叫極上果隻 . 半熟卵拉麵 $68 個人覺得比起成日有人話好食既豚王同拉麵來 , 呢間好食好多 . 而且價錢又唔貴 , 極上拉麵咁多叉燒 , 咁大碗 , 都只係 83 蚊 , 其實以拉麵黎講真係算平 , 出面好多拉麵店無 100 蚊都食唔到一碗拉麵 . ( 其實我都唔明點解日本食拉麵咁平又咁好食 , 點解香港 D 拉麵要賣到咁貴 )

秋櫻屋 地址 : 太古康山道 1-2 號康怡廣場北座地下 G5 號舖 電話 : 2557 6788 其實每次 Lunch 經過見到呢間鋪頭已經好想試 , 因為呢間鋪頭既裝修幾靚 , 而且佢擺出黎既野食好吸引 . 有次同 BB 夜晚去睇戲 , 終於有機會試啦 , 一試愛上 . 宜家間唔中 Lunch 都會黎食 , 雖然呢間鋪頭出名既係 pancake. 但係我一次都冇食過 , 因為自從我第一次食呢度既意粉之後 , 就愛上左 , 基本上次次都要食 . 最鐘意就係 D 意粉唔會煮到淋晒 , 個人超級推介忌廉雜菇煙肉意粉配溫泉蛋 . 記得我第一次試就係呢個 , 好夠味, D  煙肉切得好厚身.   不過今次 Lunch 同事點左呢個 , 我就覺得佢好似煮得濕左少少 , 好似太多汁 . 忌廉雜菇煙肉意粉配溫泉蛋 BB食左個 白酒汁蜆肉意粉配露筍 , 比較淡味 , D 蜆肉煮得唔係咁好食 , 唔係好岩口味 . 白酒汁蜆肉意粉配露筍 我今次就叫左個茄子肉醬意粉 , 比起之前兩個意粉 , 呢個比較油 , 不過都唔錯 , 幾好食 . 仲有呢度既 Lunch set 包左一個沙律 , 一個湯同一杯飲品 .   沙律唔錯 , 唔會好大草青味 , 湯就同 759 買粉沖既一樣味 , 唔好太大期望 . 茄子肉醬意粉 我地仲點左個香辣脆皮炸雞 , 呢個就比較失望 , 話明香辣 , 一 D 辣味都冇 , 連雞味都冇 , 我都唔知食左 D 咩落肚 . 香辣脆皮炸雞 個人覺得呢間餐廳晚餐時間黎食真係煮得真係好好食 , 但係今次 Lunch 好似煮得麻麻地 , 希望只係一次半次失左水準啦!!