Wahwah's life

2018 胡志明市自由行 - Day 2 第二朝起身就去左 923 Park 附近搵左 D 旅行社 , 報一日果 D 旅行團 , 我地報左去湄公河一日遊 for 我地 Day 3 既行程 , 一個人都只係 VND 200,000 (HKD 70), 真係平到喊 . 報完團 , 我地就去周圍睇下有冇野食 , 見到有間 Café 都唔錯就走左入 . 黎到越南緊係要飲下越南咖啡同越南河粉啦 . 兩樣都唔錯 ! 好正 ! 特別係杯咖啡 !  食完休息完 , 我地就去左隔離既 923 公園行左陣 , 入面有 D 攤檔 , 有野食有野買 , 好似台灣既夜市咁 , 不過當然就無台灣既咁多野行啦 . 行左一陣 , 我地就去左戰爭遺跡博物館 War Remnants Museum . 順帶一提其實胡志明市既景點都比較集中 , 好多景點都係好近 , 搭 uber 都係 VND 30,000-50,000(HKD10.5 -17.5) 左右 . 所以我地今次既旅程大多數都係搭 uber 或者 Taxi . 戰爭遺跡博物館 , 都幾值得去 , 除左好多飛機 , 坦克車之外 , 仲有好多當時既相片 , 可能睇到 D 相 , 有少少不安 , 但可以睇到戰爭帶黎既影響 , 真係值得一去 .   下一個行程 , 我地去左粉紅教堂 , 粉紅色真係好靚 . 女士們一定要黎呀 ! 之後我地去左胡志明巿中央郵局 其實去左以上既景點都好攰 , 我地返去酒店休息左一陣就出去食 Dinner 同做 SPA! Dinner 我地揀左係酒店附近有個 market, 佢有好多唔同既野食 , 好似一個 Food Court 咁 !  食完野 , 就周圍行 , 其實越南好多做 SPA 既鋪頭 , 而且價錢唔貴 , 我地果間 1 個鐘 Hot Stone SPA 都係 VND 380,000 (HKD 130), 真係好平 AR!

Happy Friday 放工即刻趕去機場 , 今次我地係搭越捷航空 ,   飛越南大約 3 個小時 ! 越捷航空係廉航 , 所以一上到機就可以大覺訓 . 無人會嘈醒 . 本身對廉航印象已經麻麻地 , Delay 左成個鐘先起飛 , 仲要坐坐下個身愈黎愈痕 , 架機好似有野咬咁 . 初初仲以為我心理作用 , 點知我個朋友都係咁 . 搭完 3 個鐘機之後 , 已經係當場既 12 點幾 ( 越南慢香港一小時 ), 見到搞落地簽証既地方坐滿人 , 心知不妙 . 一定有排等 . 最終我地係等左 1.5 小時 . 其實越南簽証可以有 3 個途徑去辦理 1. 落地簽証    第一步去中介網站 ( https://www.vietnamimmigration.org/ ) 填完 D 資料 , 網上會收你 6 蚊美金 . 2-3 日之後就會 Send 封 email 比你 , email 入面應該有幾張 attachment, 你 print 晒出黎 , 對好 D 個人資料 , 同埋記得影埋証件相 , 準備好晒 . 到落機既時侯就係搞埋落地簽證 , 比多 25 蚊美金就完成 . 呢個方法係平過去香港越南領事館搞 , 但就有機會好似我咁等好耐 . 2. 香港越南領事館辦理 如果唔想等咁耐 , 大家可以去香港越南領事館辦理 , 價錢比較貴 , 而且越南領事館淨係開星期 1-5, 我地呢 D 上班一族就要突登請假去整 . 3. 香港旅行社代辨 如果又唔想落地簽証搞咁耐 , 又唔想請假親身去搞 , 可以搵旅行社去幫你搞 , 當然價錢亦都係 3 個方法之中最貴啦 . 搞掂晒簽証 , 過埋關 , 唱埋錢 , 已經係凌晨 2 點 ! 第一日無行程 , 直接 uber 返酒店 .  酒店我地就揀左 A&Em Signature Hotel . 記得唔好搞錯 , 越南有好多間 A & Em XXXX Hotel . 個名只係有小小唔同架咋 .

行程既最後一日 , 我地搭下午 1:40 既機 , 其實都無咩行程 , 我地 check out 左之後 , 去左桃園機場捷運做左預辦登機 . 做左預辦登機 , 就會返到香港機場先見返你既行李架啦 , 所以唔好將 D 身份証放左入喼呀 . 完全晒所有手續 , 我地就去左食早餐 , 其實係係台北車站附近 , 但因為唔識路搵左好耐 .  間餐廳叫單眼皮雙眼皮 , D 早餐係幾好食 , 特別係 D 麵包 , 真係焗到好鬆軟 ! 不過奉勸各位如果趕時間就唔好去呢到食啦 , 因為 D 野食都整得比較慢 , 要比 D 耐性 .  我地就等左應該有 30 分鐘 ,  點知仲要黎少左一個餐 ,  唔係因為我地趕時間 ,  開聲問佢 ,  我地都唔知 ,  仲慢慢等 .  不過 D 早餐係唔錯既 , 而且睇得出佢地真係好比心機去整 .  如果改善埋整野食既速度應該好好多 ,  因為我地見佢 5 個人企晒係廚房 ,  但係真係諗唔明點解可以咁慢 ,  間鋪又唔係多人 ,  有客人黎買個早餐外賣都要人等 40 分鐘 .  呀妹話班廚師真係要去香港返下工先得 .  香港一間餐廳做野咁慢真係死得 ,  仲要 D 野食唔係貴 ,  我地好似只係食左 200 幾蚊台幣 . 食完個早餐 , 我地就返去台北車站搵間叫香帥既蛋糕店 , 因為我地之前上網見到有人話呢度既香芋蛋糕好好食 , 好多空姐都會買返香港做手信 . 點知間野又係難搵到痴左線 . 兜左幾耐先搵到 . 搞到我地個個都勁心急驚趕唔到飛機 . 

一早同屋企人去左西門町蜂大咖啡食早餐 , 等左一陣就有位 , 我地叫左兩個早餐加一份三文治 , 每人都飲左杯咖啡 , 而我就叫左杯蜂大水滴冰咖啡 , 食物就唔唔太特別 , 杯咖啡係幾好飲 , 可惜員工服務態度其差 , 叫左好多次都唔幫我落單 , 而且全部員工都無笑容 , 黑口黑面 , 唔講以為自己 返左去香 . 真係幾好飲都無用 , 唔會有下次 . 蜂大咖啡食早餐 食完我地係西門町行左陣 , 之後又行左家樂福 , 去旅行行超級市場可以話係必去既 , 因為最多平野執 . 行完就返去西門町 , 行設去西門町期間 , 見到有間買糉既鋪頭 , 見有 D 肚餓就食左少少野先 , 之後就搭捷運出發去淡水 . 淡水其實都係行下街 , 睇下風景 , 食下野 , 近黃昏時間 , 我地仲係岸邊望到好靚既日落 , 拍拖黎呢度岩晒 ! 去完淡水 , 我地沿返淡水線 , 搭捷運落返去士林夜市 , 士林夜市應該係劍潭站落 , 我未試過士林站 , 所以唔知士林站落得唔得 , 但係劍潭站一出就會望到士林夜市 , 由於我地行到好攰 , 所以我地去左食野果個大樓 , 食下野 , 貪佢有得坐 ., 但野食就真係麻麻地 , 所以相都無影 .  相完出左去行一陣 , 又係同九份一樣超級多人 , 想搵條路行下都難 , 好似迫地鐵咁 . 行行下見到有檔臭豆腐好多人排隊 , 個樣好似好正咁 , 我地都忍唔住排埋一份 , 點知一排 , 排左半個鐘都有 .   不過都值既 , 真係幾好食 . 我地仲係同一檔野買左個麻辣冷麵 . 大家去到士林可以試下 , 鋪頭名我就唔記得啦 , 不過我記得間鋪頭係係間廟附近 . 除此之外 , 我地仲食左個阿婆飯糰 , 呢間真係唔記得左係邊 , 但係個叔叔話偽寧夏有分店 , 大家係士林搵唔到 , 可以去寧夏睇下有冇得食 . 因為佢個飯糰 , 真係好多料 , D 料多到 D 飯都包唔住 . 行左一陣 , D 雨愈落愈大 , 我地就無行返左酒店啦 . 順帶一提我地去士林既時候 , 我地想放 D 野入 locker , 點知捷運站 D  locker  Full 晒 . 大家如果想放野入 locker 慢慢行 , 可以去食野果座大樓 . 果到都有好多 locker. 

經上網同朋友介紹係台北有間阜杭豆漿既早餐好出名 , 好好食 , 連台灣人都會排隊去食 . 而且仲要排好耐下 , 所以我同呀妹今朝就去買返黎酒店比兩老食 . 由台北車站出發 , 搭一個站捷運去到善導寺 , 無記錯好似係 5 出口一出 , 你就會望到條人龍 . 你跟住排就無錯架啦 . 我地大約 8:00 去到 , 排左半個鐘左右就買到 . 我地叫左豆漿 , 米漿 , 厚餅蛋夾油條 , 蛋餅 , 飯團 . 基本上三樣都好好食 , 如果要我揀既話 , 厚餅蛋夾油條一定係必試 .    厚餅蛋夾油條 食飽飽 , 我地去左台北車站附近間光南大批發 shopping, 真係好多野買 , 每次黎台灣必去 , 成層有文具果 D 野睇 , 係香港已經好少有咁大間既文具店 . 除左有文具睇 , 仲有成層都係賣化妝品同護膚品 . 我地差唔多行左成個鐘 , 之後就出發去九份啦 ! 由台北車站出發搭到去忠孝復興站 , 再轉基隆客運 1062 號 ( 由台北往金瓜石 ) . 1062 號客運的站牌位置 : 位在「捷運忠孝復興站 2 號出口」從捷運 2 號出口出黎之後 , 向右側看過去就會發現最新的站牌位置 , 每 15 分鐘一班車 .(** 不過要留意我上網搵資料既時間 , 發現呢個站成日轉位 . 所以大家出發前最好做好資料搜集 .) 搭左大約 1 小時 40 分鐘車程 , 到達九份 . 多人到嚇死人 , 仲要周圍既人好多都係講廣東話 , 同係香港旺角行緊無咩分別 . 唔係 , 應該話係香港都無聽咁多廣東話 . 其實九份都黎過好多次 , 都係一個行下食下野 , 不過今次係第一次黎到咁好天 , 無落雨 .   黎到九份緊係要食下芋圓 , 肉圓湯 . 我地行行下發現左有間鋪頭排晒長龍 , 原來係阿蘭草仔粿 , 有好多口味 , 自己就最鐘意食菜脯米同芋粿 . 我返到去台北車站買緊野既時間 , 個台灣人見到我地拎住呢個阿蘭草仔粿既膠袋都同我地講話佢好鐘意食 , 可以一日食 10 個 , 可想而知有幾好食 . 我地原本買左 6 個 , 之後都忍唔住買多 4 個食 . 原本我地諗住行完九份直接去饒河夜市 , 但係拎住太多野啦 , 所以我地決定返酒店先 , 休息陣再出去行過 . 搭捷運去到