Wahwah's life

行程既最後一日 , 我地搭下午 1:40 既機 , 其實都無咩行程 , 我地 check out 左之後 , 去左桃園機場捷運做左預辦登機 . 做左預辦登機 , 就會返到香港機場先見返你既行李架啦 , 所以唔好將 D 身份証放左入喼呀 . 完全晒所有手續 , 我地就去左食早餐 , 其實係係台北車站附近 , 但因為唔識路搵左好耐 .  間餐廳叫單眼皮雙眼皮 , D 早餐係幾好食 , 特別係 D 麵包 , 真係焗到好鬆軟 ! 不過奉勸各位如果趕時間就唔好去呢到食啦 , 因為 D 野食都整得比較慢 , 要比 D 耐性 .  我地就等左應該有 30 分鐘 ,  點知仲要黎少左一個餐 ,  唔係因為我地趕時間 ,  開聲問佢 ,  我地都唔知 ,  仲慢慢等 .  不過 D 早餐係唔錯既 , 而且睇得出佢地真係好比心機去整 .  如果改善埋整野食既速度應該好好多 ,  因為我地見佢 5 個人企晒係廚房 ,  但係真係諗唔明點解可以咁慢 ,  間鋪又唔係多人 ,  有客人黎買個早餐外賣都要人等 40 分鐘 .  呀妹話班廚師真係要去香港返下工先得 .  香港一間餐廳做野咁慢真係死得 ,  仲要 D 野食唔係貴 ,  我地好似只係食左 200 幾蚊台幣 . 食完個早餐 , 我地就返去台北車站搵間叫香帥既蛋糕店 , 因為我地之前上網見到有人話呢度既香芋蛋糕好好食 , 好多空姐都會買返香港做手信 . 點知間野又係難搵到痴左線 . 兜左幾耐先搵到 . 搞到我地個個都勁心急驚趕唔到飛機 . 

一早同屋企人去左西門町蜂大咖啡食早餐 , 等左一陣就有位 , 我地叫左兩個早餐加一份三文治 , 每人都飲左杯咖啡 , 而我就叫左杯蜂大水滴冰咖啡 , 食物就唔唔太特別 , 杯咖啡係幾好飲 , 可惜員工服務態度其差 , 叫左好多次都唔幫我落單 , 而且全部員工都無笑容 , 黑口黑面 , 唔講以為自己 返左去香 . 真係幾好飲都無用 , 唔會有下次 . 蜂大咖啡食早餐 食完我地係西門町行左陣 , 之後又行左家樂福 , 去旅行行超級市場可以話係必去既 , 因為最多平野執 . 行完就返去西門町 , 行設去西門町期間 , 見到有間買糉既鋪頭 , 見有 D 肚餓就食左少少野先 , 之後就搭捷運出發去淡水 . 淡水其實都係行下街 , 睇下風景 , 食下野 , 近黃昏時間 , 我地仲係岸邊望到好靚既日落 , 拍拖黎呢度岩晒 ! 去完淡水 , 我地沿返淡水線 , 搭捷運落返去士林夜市 , 士林夜市應該係劍潭站落 , 我未試過士林站 , 所以唔知士林站落得唔得 , 但係劍潭站一出就會望到士林夜市 , 由於我地行到好攰 , 所以我地去左食野果個大樓 , 食下野 , 貪佢有得坐 ., 但野食就真係麻麻地 , 所以相都無影 .  相完出左去行一陣 , 又係同九份一樣超級多人 , 想搵條路行下都難 , 好似迫地鐵咁 . 行行下見到有檔臭豆腐好多人排隊 , 個樣好似好正咁 , 我地都忍唔住排埋一份 , 點知一排 , 排左半個鐘都有 .   不過都值既 , 真係幾好食 . 我地仲係同一檔野買左個麻辣冷麵 . 大家去到士林可以試下 , 鋪頭名我就唔記得啦 , 不過我記得間鋪頭係係間廟附近 . 除此之外 , 我地仲食左個阿婆飯糰 , 呢間真係唔記得左係邊 , 但係個叔叔話偽寧夏有分店 , 大家係士林搵唔到 , 可以去寧夏睇下有冇得食 . 因為佢個飯糰 , 真係好多料 , D 料多到 D 飯都包唔住 . 行左一陣 , D 雨愈落愈大 , 我地就無行返左酒店啦 . 順帶一提我地去士林既時候 , 我地想放 D 野入 locker , 點知捷運站 D  locker  Full 晒 . 大家如果想放野入 locker 慢慢行 , 可以去食野果座大樓 . 果到都有好多 locker. 

經上網同朋友介紹係台北有間阜杭豆漿既早餐好出名 , 好好食 , 連台灣人都會排隊去食 . 而且仲要排好耐下 , 所以我同呀妹今朝就去買返黎酒店比兩老食 . 由台北車站出發 , 搭一個站捷運去到善導寺 , 無記錯好似係 5 出口一出 , 你就會望到條人龍 . 你跟住排就無錯架啦 . 我地大約 8:00 去到 , 排左半個鐘左右就買到 . 我地叫左豆漿 , 米漿 , 厚餅蛋夾油條 , 蛋餅 , 飯團 . 基本上三樣都好好食 , 如果要我揀既話 , 厚餅蛋夾油條一定係必試 .    厚餅蛋夾油條 食飽飽 , 我地去左台北車站附近間光南大批發 shopping, 真係好多野買 , 每次黎台灣必去 , 成層有文具果 D 野睇 , 係香港已經好少有咁大間既文具店 . 除左有文具睇 , 仲有成層都係賣化妝品同護膚品 . 我地差唔多行左成個鐘 , 之後就出發去九份啦 ! 由台北車站出發搭到去忠孝復興站 , 再轉基隆客運 1062 號 ( 由台北往金瓜石 ) . 1062 號客運的站牌位置 : 位在「捷運忠孝復興站 2 號出口」從捷運 2 號出口出黎之後 , 向右側看過去就會發現最新的站牌位置 , 每 15 分鐘一班車 .(** 不過要留意我上網搵資料既時間 , 發現呢個站成日轉位 . 所以大家出發前最好做好資料搜集 .) 搭左大約 1 小時 40 分鐘車程 , 到達九份 . 多人到嚇死人 , 仲要周圍既人好多都係講廣東話 , 同係香港旺角行緊無咩分別 . 唔係 , 應該話係香港都無聽咁多廣東話 . 其實九份都黎過好多次 , 都係一個行下食下野 , 不過今次係第一次黎到咁好天 , 無落雨 .   黎到九份緊係要食下芋圓 , 肉圓湯 . 我地行行下發現左有間鋪頭排晒長龍 , 原來係阿蘭草仔粿 , 有好多口味 , 自己就最鐘意食菜脯米同芋粿 . 我返到去台北車站買緊野既時間 , 個台灣人見到我地拎住呢個阿蘭草仔粿既膠袋都同我地講話佢好鐘意食 , 可以一日食 10 個 , 可想而知有幾好食 . 我地原本買左 6 個 , 之後都忍唔住買多 4 個食 . 原本我地諗住行完九份直接去饒河夜市 , 但係拎住太多野啦 , 所以我地決定返酒店先 , 休息陣再出去行過 . 搭捷運去到

對上一次去台灣已經 4-5 年前啦 , 不過今次有 D 唔同就係要帶住成家人去 . 其實都幾驚 , 事前資料搜集做得特別詳細 . 我地今次搭中華航空 CI 992 朝早 8:20 係香港出發 . 中華航空包每人 30Kg 行李 , 一定唔怕買到爆喼 !! 落左機之後過埋關拎晒行李 , 係機場櫃員機禁埋錢 ( 網上話去櫃員機禁既匯率係最抵 , 仲要手續費好平 , 不過要記得係香港開定海外提款服務呀 !) , 搞掂晒就搭桃園機場捷運去我地第一個景點 林口三井 outlet. 桃園機場捷運分普通車同直達車 , 如果要去 outlet, 就要搭普通車去 , 停既站數會多 D.  桃園機場捷運路線圖 : https://www.tymetro.com.tw/cht/index.php?code=list&ids=24 去到 outlet  附近 ,  當然要醫左肚先 .   我地去左一間叫麥味登既餐廳食野 ,  呢間鋪頭係連鎖既 ,  所以有好多分店 .  試左好幾樣野食 ,  因為太肚餓既關係 ,  淨係掛住食,所以只係影左蛋餅同漢堡包 .  但係全部野都好好食 ,  可以一試 !   醫飽個肚之後 , 就去行 outlet. 某 D 牌子係幾平 , 但係唔係好岩我 . 所以我地都無咩點買野 , 淨係買左件波衫 , 行到咁上下 , 對腳就黎斷咁制 , 又坐底食過 , 食左間日本出名既天婦羅店 - 金子半之助 . 除左天婦羅連個汁都好好味 , D 飯食到一粒都無 .  行多陣 , 已經成 5 點幾 , 我地就搭返桃園機場捷運去台北車站 , 返酒店 check in. 順帶一提 , 如果你地拎住好多行李行 outlet 覺得唔方便 , 其實林口站同 outlet 入面都有 locker, 我地中 size 既喼都放得入 , 唔洗驚拎住野 D 野咁重 . 我地今次 Book 左新驛旅店台北車站二館 , 落左車去 Y7 出口 , 行 10 分鐘左右就到酒店 . 酒店職員好 nice, 服務態度好好 , 而且酒店好乾淨好舒服 . 放低行李休息一陣之後 , 去左酒店附近一間壽司店 - 三多屋爸爸嘴 , 食 Dinner. 網上介紹話呢間鋪頭好抵食 , 而且係酒店附近行 5 分鐘就到 .

魚屋 地址 : 荃灣大壩街 4-30 號荃灣廣場 4 樓一田百貨美食通 有次同朋友行街 , 同佢試左呢間餐廳 . 魚屋主要係食魚既 , 不過佢都有其他蝦 , 海膽果 D, 但係就無咁多款 . 我朋友話佢唔係好食魚都好鐘意食呢間餐廳 , 所以就忍唔住試 , 因為其實我都唔係好鐘意食魚 , 但係我知食魚其實對皮膚 , 減肥都好好 . 我地兩個叫左個明太子燒三文魚腩丼同一個鹽燒三文魚 . 個三文魚腩真係好正 , 很厚很肥美 , 擺入口有陣陣油香味 , 加埋明太子 , 果個感覺真係好幸福 . ^^ 明太子燒三文魚腩丼 另外 , 個鹽燒三文魚都唔差 , 雖然無三文魚腩咁肥美 , 咁邪惡 . 但係佢唔會燒得太乾 , 或者太咸 , 加埋 D 檸檬汁 , 真係好正 . 特別係魚皮既位置 , 魚皮燒得好香 . 迎魚皮既肉又特別軟滑 . 仲有佢個湯都好好味 , 不過果陣我太肚餓唔記得左影相 . 飲完碗湯 , 已經飽左一半 , 再加上佢碗飯夠晒大碗 , 我好似食左三分一左右已經飽到噴 . 呢間餐龐唯一既缺點係 D 人唔好坐 , 同埋好少位 , 唔岩多人去食 , 情侶去拍拖就 OK.  鹽燒三文魚