2017 台北自由行 Day 1
對上一次去台灣已經4-5年前啦, 不過今次有D唔同就係要帶住成家人去.
其實都幾驚,
事前資料搜集做得特別詳細.
我地今次搭中華航空CI
992 朝早8:20 係香港出發.中華航空包每人30Kg行李,
一定唔怕買到爆喼!!
落左機之後過埋關拎晒行李, 係機場櫃員機禁埋錢(
網上話去櫃員機禁既匯率係最抵,
仲要手續費好平,
不過要記得係香港開定海外提款服務呀!)
, 搞掂晒就搭桃園機場捷運去我地第一個景點 林口三井outlet.
桃園機場捷運分普通車同直達車,
如果要去outlet,
就要搭普通車去,
停既站數會多D.
去到outlet 附近, 當然要醫左肚先. 我地去左一間叫麥味登既餐廳食野, 呢間鋪頭係連鎖既, 所以有好多分店. 試左好幾樣野食, 因為太肚餓既關係, 淨係掛住食,所以只係影左蛋餅同漢堡包. 但係全部野都好好食, 可以一試!
醫飽個肚之後, 就去行outlet.
某D牌子係幾平,
但係唔係好岩我.
所以我地都無咩點買野,
淨係買左件波衫,
行到咁上下,
對腳就黎斷咁制,
又坐底食過,
食左間日本出名既天婦羅店
- 金子半之助. 除左天婦羅連個汁都好好味, D飯食到一粒都無.
行多陣,已經成5點幾,
我地就搭返桃園機場捷運去台北車站,
返酒店check
in. 順帶一提, 如果你地拎住好多行李行outlet覺得唔方便, 其實林口站同outlet入面都有locker,
我地中size既喼都放得入,
唔洗驚拎住野D野咁重.
我地今次Book 左新驛旅店台北車站二館,
落左車去Y7出口,行10分鐘左右就到酒店.
酒店職員好nice,
服務態度好好,
而且酒店好乾淨好舒服.放低行李休息一陣之後,
去左酒店附近一間壽司店-
三多屋爸爸嘴,
食Dinner.
網上介紹話呢間鋪頭好抵食,
而且係酒店附近行5分鐘就到.
去到7點鐘左右已經好多人排隊,
而且有好幾款壽司已經售罄.
所以下次去最好早D去.
我地叫左一碟壽司同一個刺身飯,
, 價錢係好平, 但味道OK唔算係好好食. 試左一次就算,
未必會試第二次.
食完緊係黎到每晚最重要既行程, 行夜市, 第一晚我地就揀左酒店附近既寧夏夜市.
印象中我好似無黎過,
其實寧願夜市無咩野買,
得食野,
我地食左燒杏飽菇, 麻糬冰, 明太子醬烤墨魚飯.
芋包芋,
爆漿芋.
重點推介:
芋包芋,
爆漿芋.
雖然人龍好長,
排左好耐隊,
但係真係好好味,
包你唔會後悔排左咁耐.
食完見時間仲早, 見酒店附近有間24小時既頂好超級市場,
就走左去行左一陣,
買到好多人都話好食既曾伴麵,
即刻入手左兩包.因為呢隻好似要網上訂架,
係街好難買到.
行完一陣,
我地就返左去酒店休息.
第一日既行程都完結啦.
留言
張貼留言