網上超多人推介的沾麵, 有冇中伏?
麵鮮醬油房周月 地址 : 鰂魚涌海光街 30 號地舖 電話 : 2336 7888 之前上網見一班連登仔講起邊間拉麵好食 , 好多人都話呢間周月好食 . 而且係公司附近 , Lunch 就同 BB 去左食啦 ! 雖然 BB 鐘意食拉麵多 D, 但係好多人都話呢間既沾麵出名 D, 好食 D, 所以我地兩個都叫左沾麵試下 . 我就食左香辣沾麵 200g , BB 就食左周月沾麵 300g. 我都係一個比較大食既女仔 , 碗麵黎到既時候都嚇一嚇 , 都幾大碗 , 幾多麵下 . 最後我都係食淨左 , 如果細食既女仔食 100g 都應該夠 ! 我個碗麵面層都幾油 , 而且好紅 , 感覺好似好辣咁 . 但食落又唔係 Wor, 連我男朋友唔食得辣既都食到 , 佢食左一啖都唔覺得好辣 . 香辣沾麵 200g 麵入面有幾粒燒黑豚 , 我男朋友佢就話好好食 , 但係我個碗有幾粒黑豚好硬 , 咬到牙都甩 . 其餘有幾粒連住小小肥肉既就幾好食既 . 反而 D 筍就幾好食 , 幾夠鮮味 . 麵身都 OK. 但係個湯就麻麻地 , 好似淨係得 D 辣油味 , 辣得黎冇咩層次 . 我諗住可能我果個唔好食 , 另一隻味會好食 D 啦 , 試左一啖我男朋友個碗 , 係好味過香辣味 , 但你個湯底好似偏酸左小小 . 而且個湯都凍得幾快 , 唔知係因為果日天氣凍定點呢 . 周月沾麵 300g 個人口味就覺得呢間普通啦 , 唔算好好食 , 唔知係咪因為我期望太高 , 不過下次我都會再試下佢個拉麵既 , 反正公司附近都冇咩餐廳特別好食 .