Wahwah's life

麵鮮醬油房周月  地址 : 鰂魚涌海光街 30 號地舖 電話 : 2336 7888   之前上網見一班連登仔講起邊間拉麵好食 , 好多人都話呢間周月好食 . 而且係公司附近 , Lunch 就同 BB 去左食啦 ! 雖然 BB 鐘意食拉麵多 D, 但係好多人都話呢間既沾麵出名 D, 好食 D, 所以我地兩個都叫左沾麵試下 . 我就食左香辣沾麵 200g , BB 就食左周月沾麵 300g. 我都係一個比較大食既女仔 , 碗麵黎到既時候都嚇一嚇 , 都幾大碗 , 幾多麵下 . 最後我都係食淨左 , 如果細食既女仔食 100g 都應該夠 ! 我個碗麵面層都幾油 , 而且好紅 , 感覺好似好辣咁 . 但食落又唔係 Wor, 連我男朋友唔食得辣既都食到 , 佢食左一啖都唔覺得好辣 . 香辣沾麵  200g 麵入面有幾粒燒黑豚 , 我男朋友佢就話好好食 , 但係我個碗有幾粒黑豚好硬 , 咬到牙都甩 . 其餘有幾粒連住小小肥肉既就幾好食既 . 反而 D 筍就幾好食 , 幾夠鮮味 . 麵身都 OK. 但係個湯就麻麻地 , 好似淨係得 D 辣油味 , 辣得黎冇咩層次 . 我諗住可能我果個唔好食 , 另一隻味會好食 D 啦 , 試左一啖我男朋友個碗 , 係好味過香辣味 , 但你個湯底好似偏酸左小小 . 而且個湯都凍得幾快 , 唔知係因為果日天氣凍定點呢 . 周月沾麵 300g 個人口味就覺得呢間普通啦 , 唔算好好食 , 唔知係咪因為我期望太高 , 不過下次我都會再試下佢個拉麵既 , 反正公司附近都冇咩餐廳特別好食 . 

Fresco 地址 : 紅磡蕪湖街 179 號地舖 電話 : 3611 8983 上星期情人節同 BB 講話我今年情人節想食西餐呀 . 但係香港既餐廳好多都會係情人節加價 , 明明平時 300 蚊食到既野 , 情人節就要 600 蚊 ,  我真係覺得好唔抵 , 所以我比左個難題 BB.  我情人節要食西餐 , 但又唔要好貴 . ( 諗諗下其實我都幾煩 ^^) 估唔到真係比 BB 搵到呢間餐廳 , 新開張無幾耐 , 係何文田地鐵行 5 分鐘左右就到 , 餐廳環境裝修好簡單 , 好舒服 . 我地點左兩個 Set Dinner 再加一個蘇格蘭三文魚沙律 , Set Dinner 包左一個湯配蒜香法包 , 主菜 , 甜品同飲品一杯 . 主菜我地就叫左西班牙橡果有骨黑毛豬鞍 同埋紐西蘭特級羊架 . 唔知係咪因為新開無耐 , 加上情人節比較多人 , D 野食等左好耐 , 等既期間我地見好多人都有海鮮食 , BB話呢間餐龐既海鮮都要訂架 . 不過佢見訂位既時候睇過 D 相又唔係太吸引 , 所以我地冇訂到 . 等左差唔多成個鐘 , 終於有野食啦 .   首先上左個蘇格蘭三文魚沙律 , 賣相唔錯 , 三文魚卷到一朵朵花咁 , 側邊有 D 沙律菜 . 呢個沙律菜 , 我覺得唔係咁好食 , 有 D 菜好太陣草青味 , 而且有 D 苦 , 三文魚就冇咩特別 , 反面個沙律醬係幾她味既 . 蘇格蘭三文魚沙律 之後就黎就係意大利牛肝菌蘑菇濃湯配蒜香法包 , 個湯真係好足料 , 菇味好濃郁 . 暫時係我飲過最好味既蘑菇湯 , 我地兩個飲到停唔到 . 個蒜香法包都唔錯 , 但係我得覺得好似整得硬左小小 , 好似有 D 界咀 . 意大利牛肝菌蘑菇濃湯 蒜香法包 淨係個湯已經令我對個主菜非常期待 , 首先黎既係個西班牙橡果有骨黑毛豬鞍 , 分量唔係好多 , 個黑毛豬鞍冇用好多醬料去煮 , BB 就覺得啖味左小小 , 但係我就覺得岩岩好 , 好好味 . 隻黑毛豬鞍脂肪部分唔會覺得好油膩 , 又唔會好硬 . 令我諗返起去鹿兒島食既黑毛豬呀 . 西班牙橡果有骨黑毛豬鞍 再黎就係另一個主菜紐西蘭特級羊架 , 我其實唔食羊既 , 因為我覺得羊好大陣蘇味 , 個羊架一黎度既時候 , 我見汁都滴比我點既 , 我仲諗 ,

琴晚果餐實在太難食既關係 , 對今朝既早餐冇咩期望 . 點知又唔係 WOR! 比起琴晚果餐今日好食好多 , 平時唔好多鐘意食魚既我 , 竟然食晒成條燒魚 , 仲覺得唔夠喉 TIM.  食完早餐 , 去左浸一陣個足湯 , 望住櫻島浸真係好舒服 .  浸完諗住返上房既時候 , 有個職員冇啦啦 , 走埋黎 , 佢既神情好似好緊張咁又示意我地細聲 D. 之後佢開門帶左我地出去一個酒店一個室外比人休息既地方 , 出面有三隻鹿仔呀 . 之前 BOOK 呢間酒店既時候已經知 , 呢度山頭有鹿 , 好彩既話 , 就會見到 . 估唔到真係比我地見到呀 . 真係好好彩呀 ! 但係睇左一陣 , 太多人係房到望落黎 , 又大聲講野 , 嚇到 D 鹿走晒 . 呢間酒店真係好正 , 酒店既環境 , 同埋周圍既境色都好靚 , 雖然有一餐比較難食 , 但真係好推介呢間酒店 , 去霧島真係要黎住呀 . 我 BOOK 既時候都係 1500 蚊一晚 ,1 泊 2 食 , 真係好抵 , 而且連當地日本人都話呢間係好正 . 1500 蚊真係好抵 . Check out 左之後就去我地最後一個景點 , 嘉例川駅 . 呢個車站已經有過百年既歷史 , 木質結構車站 , 宜家仲用緊 . 鐘意貓貓既人可以黎 , 因為呢到有隻貓貓係呢個車站既吉祥物 , 貓咪定時定候 , 就知道返黎食野架啦 . 我地去既時候就岩岩見到呢隻貓貓開餐 , 而我呢個咁驚貓既人 , 都襯佢食緊野既時候 , 成功第一次摸貓咪 . 好叻呀 ! 玩完貓貓 , 出發去機場還車啦 , 點知揸揸下車既時候比我見到有間藥妝 , 緊係停車入去行陣啦 , 估唔到比我係到買到之前係市中心買唔到既野 . 女人真係唔會放過任何一個買既機會 . ^^ Shopping 完就揸返車去機場附近入油 , 之後還車 . 其實大家如果唔想入返油比佢咁煩 , 租車既時候可以揀加多 3000 yen 就得 , 咁就可以唔洗入返油就還車 . 但係我地就揀左自己入滿返油先還車 , 我地揸左兩日都係用左一半油到 , 入返滿都係用左 1100 yen 左右 . 租車既時候有比埋地址你機場附近邊到油站 , 所以都好方便 . 入完油轉個灣就到 . 還完車之後 ,

朝早去左中央站附近拎車 , 第一次自駕遊 , 上網見到 Times 呢間租車公司好似 OK, 而且佢係中央站前有得拎車 , 所以就揀左呢間啦 . 點知佢雖然寫中央站 , 我又無睇清楚地圖 , 原來黎中央站都幾遠下 . 拎住行李行到死下死下 . BB 話 不如佢去拎左車黎車我啦 , 但係用左我本 passport 去租車 , 一定要我去 . 下次醒目一定用有車牌果個人既 passport 去租車 . 終於搵到間鋪頭 , 雖然店員好多都唔識英文 , 但佢太多數既 catalog, 資料都有中英文比你睇 , 所以都唔難明 . 但係之後佢地冇啦啦叫我地加錢買多個唔知咩保險服務 ( 好似係保得多 D 野 ), 果到就好煩 , 對方搵左個識講英文既日本人係電話同我地溝通 . 但係佢 D 英文真係完全唔明 , 我地見唔係加多好多錢 , 就加埋個個保險算 . 搞完一大餐 , 有得上車 , 佢有單張介紹 GPS 點用 , 但係我地都係搞唔掂 . 我地明明上網訂左 GPS 係中文 , 點知又係顯示日文 . 最後要叫職員幫我地轉返使中文 , 但係佢所謂既中文都只係發聲既時候用普通話 , 個平幕顯示既都係日文 . 終於出發去霧島啦 , 揸左大約 1 個鐘車左右到左霧島 , 我地去左旅行人山莊 check in 先 . 呢間酒店職員大部分英文都好易明 , 唔難溝通 . 由於我地係一泊二食 , Check in 既時候佢會叫你揀埋時間食 Dinner, 同埋酒店每間房會包你 45 分鐘私人時間享用露天風呂 , Check in 既時候會叫你揀埋浸邊個 , 同埋 book 呢時間浸 . 我地都叫早黎 , 但係夜晚 8 點幾 ,9 點果 D 時間都比人 Book 左 , 我地就揀左 7:30 浸 . 佢有兩個溫泉比你揀 , 我地揀左比較受歡迎果個黎浸 . 揀完之後 , 職員會帶女仔去揀浴衣 , 女仔有得揀 , 但係男仔就得一款 , 冇得揀 . 搞掂好晒之後 , 我地就去搵野食啦 , 成日都未食過野 , 餓死人啦 . 頭先揸車經過見到霧島温泉市場有野食 , 我地就去左果度食 Lunch. 呢個雖然叫温泉市場 , 但係 10 間鋪頭都唔知有冇 .  我見 D 旅遊書介紹呢個霧島温泉市場係一個景點 , 我自己就覺得唔洗晒時間黎 , 當休息食個 Lunch 都 OK 既 . 食