情人節都唔會特別加價既餐廳

Fresco

地址: 紅磡蕪湖街179號地舖
電話: 3611 8983

上星期情人節同BB 講話我今年情人節想食西餐呀.但係香港既餐廳好多都會係情人節加價, 明明平時300蚊食到既野,情人節就要600蚊, 我真係覺得好唔抵, 所以我比左個難題BB. 我情人節要食西餐,但又唔要好貴. (諗諗下其實我都幾煩^^) 估唔到真係比BB搵到呢間餐廳, 新開張無幾耐, 係何文田地鐵行5分鐘左右就到, 餐廳環境裝修好簡單, 好舒服. 我地點左兩個Set Dinner再加一個蘇格蘭三文魚沙律, Set Dinner 包左一個湯配蒜香法包, 主菜, 甜品同飲品一杯. 主菜我地就叫左西班牙橡果有骨黑毛豬鞍 同埋紐西蘭特級羊架.

唔知係咪因為新開無耐, 加上情人節比較多人, D野食等左好耐, 等既期間我地見好多人都有海鮮食, BB話呢間餐龐既海鮮都要訂架. 不過佢見訂位既時候睇過D相又唔係太吸引,所以我地冇訂到. 等左差唔多成個鐘, 終於有野食啦.  首先上左個蘇格蘭三文魚沙律, 賣相唔錯, 三文魚卷到一朵朵花咁,側邊有D沙律菜. 呢個沙律菜,我覺得唔係咁好食,有D菜好太陣草青味,而且有D苦, 三文魚就冇咩特別,反面個沙律醬係幾她味既.

蘇格蘭三文魚沙律

之後就黎就係意大利牛肝菌蘑菇濃湯配蒜香法包,個湯真係好足料, 菇味好濃郁. 暫時係我飲過最好味既蘑菇湯, 我地兩個飲到停唔到. 個蒜香法包都唔錯, 但係我得覺得好似整得硬左小小,好似有D界咀.

意大利牛肝菌蘑菇濃湯

蒜香法包

淨係個湯已經令我對個主菜非常期待, 首先黎既係個西班牙橡果有骨黑毛豬鞍, 分量唔係好多, 個黑毛豬鞍冇用好多醬料去煮, BB就覺得啖味左小小, 但係我就覺得岩岩好,好好味. 隻黑毛豬鞍脂肪部分唔會覺得好油膩, 又唔會好硬. 令我諗返起去鹿兒島食既黑毛豬呀.

西班牙橡果有骨黑毛豬鞍

再黎就係另一個主菜紐西蘭特級羊架, 我其實唔食羊既, 因為我覺得羊好大陣蘇味, 個羊架一黎度既時候, 我見汁都滴比我點既, 我仲諗, 死啦洗唔洗問佢拎D 芥末點下呀,會唔會好蘇架. 但係呢度既羊架一D都唔蘇, 雖然佢冇咩汁,但係你食既時候唔會覺得好乾身,而且D肉質好嫩, 食到我停唔到.  

紐西蘭特級羊架

甜品有啫喱同雪糕揀,我就食左雪糕, BB就點左白酒啫喱配紅石榴汁. 個啫喱黎既時候真係嚇親,勁大兜冰冰住細細杯既啫喱.賣相真係有D誇張.酒味都幾濃, 啫喱唔係好有咬口果種質感,係比較稀身, 偏水狀.

白酒啫喱配紅石榴汁

雪糕係雲利拿味配上酸酸甜甜既果醬. 雪糕好滑, 雲利拿既味道好濃郁, 又唔會太甜. 好好食.

雲利拿味雪糕

特式飲品,原本想試佢個水果茶,可惜賣晒,就轉左飲洛神花茶. 洛神花茶比較淡味,唔算突別出色好飲.

洛神花茶

呢一餐情人節大餐非常滿意,情人節又無特別加價.我地咁樣兩個人都係食左700蚊. 特別節日想食餐好既,真係一個唔錯既選擇.