2017 鹿兒島自由行- Day5

琴晚果餐實在太難食既關係,對今朝既早餐冇咩期望. 點知又唔係WOR! 比起琴晚果餐今日好食好多, 平時唔好多鐘意食魚既我,竟然食晒成條燒魚, 仲覺得唔夠喉TIM. 

食完早餐, 去左浸一陣個足湯, 望住櫻島浸真係好舒服. 

浸完諗住返上房既時候,有個職員冇啦啦,走埋黎,佢既神情好似好緊張咁又示意我地細聲D. 之後佢開門帶左我地出去一個酒店一個室外比人休息既地方, 出面有三隻鹿仔呀. 之前BOOK呢間酒店既時候已經知, 呢度山頭有鹿, 好彩既話,就會見到. 估唔到真係比我地見到呀.真係好好彩呀! 但係睇左一陣, 太多人係房到望落黎,又大聲講野, 嚇到D鹿走晒.


呢間酒店真係好正, 酒店既環境,同埋周圍既境色都好靚,雖然有一餐比較難食, 但真係好推介呢間酒店, 去霧島真係要黎住呀. 我BOOK既時候都係1500蚊一晚,1泊2食,真係好抵,而且連當地日本人都話呢間係好正. 1500蚊真係好抵.


Check out 左之後就去我地最後一個景點,嘉例川駅. 呢個車站已經有過百年既歷史,木質結構車站, 宜家仲用緊.





鐘意貓貓既人可以黎,因為呢到有隻貓貓係呢個車站既吉祥物, 貓咪定時定候,就知道返黎食野架啦. 我地去既時候就岩岩見到呢隻貓貓開餐, 而我呢個咁驚貓既人, 都襯佢食緊野既時候, 成功第一次摸貓咪. 好叻呀!




玩完貓貓, 出發去機場還車啦, 點知揸揸下車既時候比我見到有間藥妝, 緊係停車入去行陣啦, 估唔到比我係到買到之前係市中心買唔到既野. 女人真係唔會放過任何一個買既機會. ^^

Shopping 完就揸返車去機場附近入油,之後還車. 其實大家如果唔想入返油比佢咁煩,租車既時候可以揀加多3000 yen就得,咁就可以唔洗入返油就還車. 但係我地就揀左自己入滿返油先還車, 我地揸左兩日都係用左一半油到,入返滿都係用左1100 yen左右. 租車既時候有比埋地址你機場附近邊到油站, 所以都好方便. 入完油轉個灣就到. 還完車之後, Times 仲有職員車返你去機場. 我地搭下午4點機返香港, 1點就黎到機場, 將D行李寄晒倉之後, 我地去左搵野食,但係國際航線大樓得好細, 我地就過左去國內航線果邊食野, 食埋係鹿兒島既最後一餐. 好唔捨得呀. 入閘後仲有得Shopping,我地緊係唔會放過最後一個買野既機會啦. 88啦鹿兒島,我一定會再黎架! 

留言

張貼留言

這個網誌中的熱門文章

隱世炸雞脾

圖片
寶城美食店 地址 : 紅磡馬頭圍道 37 號紅磡廣場地庫 2-3 號 電話 : 2333 0033 上網經常都會見到有 post 介紹 香港有咩餐廳炸雞脾好食 , 但係好似都少介紹這間餐廳 , 這間餐廳位於紅磡廣場地庫的寶城美食店 . 除了地點唔方便 , 餐廳亦非常囂張 . 餐廳只會係星期一至星期六營業 ,   營業時間 07:00-18:00. 星期日及公眾假期休息 . 唔做夜晚又唔做公眾假期 , 對於我地呢 D 返 1-5 既打工仔 , 除了星期 6, 平日 真係好難食到 .  好似唔憂做咁 . 呢度最出名緊係炸雞脾啦 , 次次黎食炸雞脾都熱拿拿 , 肉質鮮嫩 , 切開有肉汁流出 ! 我次次黎都食炸脾飯 , 佢有好多汁可以揀 , 有粟米汁 , 黑椒汁 , 豉油 , 磨菇汁 , 咖哩汁 , 沙嗲汁 , 蒜蓉汁 不過我最鐘意食都係西汁 . 除了炸脾飯 , 呢度既例湯都好好飲 , 佢呢度既例湯唔係味精湯黎架 , 所以飲完都唔會口渴 . 如果要飲真係要早少少黎 , 因為好快就賣晒 . 我的最愛就係椰子煲雞湯 . 
閱讀完整內容

德美壽司,物有所值?

圖片
德美壽司(紅磡) 電話號碼 : 2334 8884 地址 : 紅磡黃埔新村德民街 31 號地下 1B 舖 呢間係我一直都好想試既日本餐廳 , 因為見朋友成日去食 , 而且上網睇過 Openrice 既評分都唔係太差 . 佢好似有三間分店 , 我地今次係去紅磡果間 . 未講食物質數之前 , 先講下佢既服務態度 . 做左神秘人咁多年 , 我都見慣唔少服務態度差既餐廳 , 但係通常以我經驗 , 價錢貴少少既餐廳 , 通常服務態度都唔好差得去邊 .  相反一 D 連鎖 , 價錢大眾化既食肆就真係差到一個點 . 但係我想講德美呢間餐廳 , 都唔算係平價餐廳呀 , 但服務態度就真係麻麻地 .   首先 , 我地一入到去個接待員已經無咩笑容 , 坐左埋位一陣 , 係無侍應拎餐牌比我地 . 不過我可以原諒 , 因為我見招呼我地果位侍應似係一位新人 . 我見佢好似都比老細鬧咁 .  但係我想講下果位疑似老細 , 招呼我地入去果位接員就係佢 , 全程無笑容 , 黑口黑面 , 唔講以為我得罪左佢 . 不過我覺得無笑容都算啦 , 可能你真係唔鐘意笑 , 或者做野做到太攰呢 . 但係落單既時候 , 同客人有基本既眼神接觸都無 . 我唔知係咪職業病 , 或者我要求高啦 , 但係我覺得落單既時候 , 你簡單望一眼個客人都好呀 . 連同人講野要有眼神接觸既基本禮貌都無 .   好啦 . 唔講其他無為野 , 講下佢既食物質數 . 我地叫左一個刺身拼盤 , 牛油果軟殼蟹卷 , 牛肉炒飯 , 天婦羅凍烏冬 , 牛舌串同燒帆立貝 . 刺身好新鮮 , 好好味 , 最值得試 , 咁多樣野食之中最好味 . 另外 , 個牛油果軟殼蟹卷網上都好多人推介 , 都唔錯 , 幾好食 . 最鍾意就係佢既牛油果切得好厚 , 好好味 , 食落既感覺好豐富 . 最後佢既牛舌真係好好味 , 佢黎到既時候 , 已經忌唔住食左先 , 食左兩件先記得影相 . 牛肉炒飯同燒帆立貝都麻麻地 , 唔太特別 . 反而最令我失望既係個天婦羅凍烏冬 , 個烏冬唔算好好食 , 而個天婦羅就真係唔係好得 , D 蝦唔新鮮 , 炸得唔好食 , 仲要唔熱既 . 我寧願去隔離幾條街食三河屋 , 人地又平D又好食 D.  呢間餐廳係咪真係物有所值 , 真係
閱讀完整內容

2017 鹿兒島自由行- Day4

圖片
朝早去左中央站附近拎車 , 第一次自駕遊 , 上網見到 Times 呢間租車公司好似 OK, 而且佢係中央站前有得拎車 , 所以就揀左呢間啦 . 點知佢雖然寫中央站 , 我又無睇清楚地圖 , 原來黎中央站都幾遠下 . 拎住行李行到死下死下 . BB 話 不如佢去拎左車黎車我啦 , 但係用左我本 passport 去租車 , 一定要我去 . 下次醒目一定用有車牌果個人既 passport 去租車 . 終於搵到間鋪頭 , 雖然店員好多都唔識英文 , 但佢太多數既 catalog, 資料都有中英文比你睇 , 所以都唔難明 . 但係之後佢地冇啦啦叫我地加錢買多個唔知咩保險服務 ( 好似係保得多 D 野 ), 果到就好煩 , 對方搵左個識講英文既日本人係電話同我地溝通 . 但係佢 D 英文真係完全唔明 , 我地見唔係加多好多錢 , 就加埋個個保險算 . 搞完一大餐 , 有得上車 , 佢有單張介紹 GPS 點用 , 但係我地都係搞唔掂 . 我地明明上網訂左 GPS 係中文 , 點知又係顯示日文 . 最後要叫職員幫我地轉返使中文 , 但係佢所謂既中文都只係發聲既時候用普通話 , 個平幕顯示既都係日文 . 終於出發去霧島啦 , 揸左大約 1 個鐘車左右到左霧島 , 我地去左旅行人山莊 check in 先 . 呢間酒店職員大部分英文都好易明 , 唔難溝通 . 由於我地係一泊二食 , Check in 既時候佢會叫你揀埋時間食 Dinner, 同埋酒店每間房會包你 45 分鐘私人時間享用露天風呂 , Check in 既時候會叫你揀埋浸邊個 , 同埋 book 呢時間浸 . 我地都叫早黎 , 但係夜晚 8 點幾 ,9 點果 D 時間都比人 Book 左 , 我地就揀左 7:30 浸 . 佢有兩個溫泉比你揀 , 我地揀左比較受歡迎果個黎浸 . 揀完之後 , 職員會帶女仔去揀浴衣 , 女仔有得揀 , 但係男仔就得一款 , 冇得揀 . 搞掂好晒之後 , 我地就去搵野食啦 , 成日都未食過野 , 餓死人啦 . 頭先揸車經過見到霧島温泉市場有野食 , 我地就去左果度食 Lunch. 呢個雖然叫温泉市場 , 但係 10 間鋪頭都唔知有冇 .  我見 D 旅遊書介紹呢個霧島温泉市場係一個景點 , 我自己就覺得唔洗晒時間黎 , 當休息食個 Lunch 都 OK 既 . 食
閱讀完整內容