2017 鹿兒島自由行- Day1

朝早11點搭HK Airline (HX620)直飛鹿兒島, 大約3小時機程, 終於到達鹿兒島. 鹿兒島既國際航線唔多, 所以鹿兒島既機場都幾細. 步出機場,第一時間去買車票,去鹿兒島市中心. 鹿兒島機場沒有任何鐵路連接機場與市區, 所以只可以選擇搭巴士. 首先去售票機買車票,選擇了目的地後,售票機會顯示所需費用.付款後,售票機會出一張紙仔,果張就係車票. 拎住車票去到車站就可以上車,上車既時候可以有職員會問你係邊個站落車,然後幫你既行李放上車.上車既時候,就將你頭先買果張車票投入錢箱就可以.

往市中心巴士資料:
  • 車費1250 yen
  • 大約10-20分鐘一班
  • 車程大約45-60分鐘
*南國交通網址: http://nangoku-kotsu.com/ashuttle/kagoshima

頭三晚我地入住天文館通附近的酒店(Dormy Inn Kagoshima Natural Hot Spring), 所以我地係第2個站(天文館)落車,落車後步行約5分鐘就到達酒店. 酒店位置非常方便,在天文館通及中央站前中間,往天文館步行約  5分鐘,往中央站步行約15分鐘或可乘搭市電. 而且每晚都送免費宵夜,拉麵一碗.
酒店資料:
Dormy Inn Kagoshima Natural Hot Spring天然温泉 霧桜の湯 ドーミーイン鹿児島
地址: 鹿児島市西千石町17-30, 鹿児島市内中心部, 鹿児島, 日本 892-0847
酒店附近

Check in 放底行李後, 即刻去醫肚.酒店行左10分鐘左右, 去到屋台村, 我地揀左近門口既一間餐廳, 點左一碗拉麵, 餃子, 咖哩黑豚飯, 豬內臟串燒.呢餐就OK啦, 唔算特別好好食. 



食完野就去左隔離既AMU Plaza 同AEON行左一陣, 可能兩個都病病地冇咩心情行街, 同埋原定既行程聽日都會黎呢度shopping,所以我地係AMU兜左個圈就去隔離AEON買左D野食返去酒店食. 係AEON買左藥,食完好似精神返D. 返到酒店見仲早, 10幾點去左酒店餐廳食左碗免費拉麵. 免費既當然唔可以同出面既拉麵比啦,但都唔錯, 幾好食呀. 食完野,就去左浸溫泉, 浸完返房訓覺.
AMU Plaza 
AEON 度買既士多啤梨

留言

張貼留言

這個網誌中的熱門文章

隱世炸雞脾

圖片
寶城美食店 地址 : 紅磡馬頭圍道 37 號紅磡廣場地庫 2-3 號 電話 : 2333 0033 上網經常都會見到有 post 介紹 香港有咩餐廳炸雞脾好食 , 但係好似都少介紹這間餐廳 , 這間餐廳位於紅磡廣場地庫的寶城美食店 . 除了地點唔方便 , 餐廳亦非常囂張 . 餐廳只會係星期一至星期六營業 ,   營業時間 07:00-18:00. 星期日及公眾假期休息 . 唔做夜晚又唔做公眾假期 , 對於我地呢 D 返 1-5 既打工仔 , 除了星期 6, 平日 真係好難食到 .  好似唔憂做咁 . 呢度最出名緊係炸雞脾啦 , 次次黎食炸雞脾都熱拿拿 , 肉質鮮嫩 , 切開有肉汁流出 ! 我次次黎都食炸脾飯 , 佢有好多汁可以揀 , 有粟米汁 , 黑椒汁 , 豉油 , 磨菇汁 , 咖哩汁 , 沙嗲汁 , 蒜蓉汁 不過我最鐘意食都係西汁 . 除了炸脾飯 , 呢度既例湯都好好飲 , 佢呢度既例湯唔係味精湯黎架 , 所以飲完都唔會口渴 . 如果要飲真係要早少少黎 , 因為好快就賣晒 . 我的最愛就係椰子煲雞湯 . 
閱讀完整內容

德美壽司,物有所值?

圖片
德美壽司(紅磡) 電話號碼 : 2334 8884 地址 : 紅磡黃埔新村德民街 31 號地下 1B 舖 呢間係我一直都好想試既日本餐廳 , 因為見朋友成日去食 , 而且上網睇過 Openrice 既評分都唔係太差 . 佢好似有三間分店 , 我地今次係去紅磡果間 . 未講食物質數之前 , 先講下佢既服務態度 . 做左神秘人咁多年 , 我都見慣唔少服務態度差既餐廳 , 但係通常以我經驗 , 價錢貴少少既餐廳 , 通常服務態度都唔好差得去邊 .  相反一 D 連鎖 , 價錢大眾化既食肆就真係差到一個點 . 但係我想講德美呢間餐廳 , 都唔算係平價餐廳呀 , 但服務態度就真係麻麻地 .   首先 , 我地一入到去個接待員已經無咩笑容 , 坐左埋位一陣 , 係無侍應拎餐牌比我地 . 不過我可以原諒 , 因為我見招呼我地果位侍應似係一位新人 . 我見佢好似都比老細鬧咁 .  但係我想講下果位疑似老細 , 招呼我地入去果位接員就係佢 , 全程無笑容 , 黑口黑面 , 唔講以為我得罪左佢 . 不過我覺得無笑容都算啦 , 可能你真係唔鐘意笑 , 或者做野做到太攰呢 . 但係落單既時候 , 同客人有基本既眼神接觸都無 . 我唔知係咪職業病 , 或者我要求高啦 , 但係我覺得落單既時候 , 你簡單望一眼個客人都好呀 . 連同人講野要有眼神接觸既基本禮貌都無 .   好啦 . 唔講其他無為野 , 講下佢既食物質數 . 我地叫左一個刺身拼盤 , 牛油果軟殼蟹卷 , 牛肉炒飯 , 天婦羅凍烏冬 , 牛舌串同燒帆立貝 . 刺身好新鮮 , 好好味 , 最值得試 , 咁多樣野食之中最好味 . 另外 , 個牛油果軟殼蟹卷網上都好多人推介 , 都唔錯 , 幾好食 . 最鍾意就係佢既牛油果切得好厚 , 好好味 , 食落既感覺好豐富 . 最後佢既牛舌真係好好味 , 佢黎到既時候 , 已經忌唔住食左先 , 食左兩件先記得影相 . 牛肉炒飯同燒帆立貝都麻麻地 , 唔太特別 . 反而最令我失望既係個天婦羅凍烏冬 , 個烏冬唔算好好食 , 而個天婦羅就真係唔係好得 , D 蝦唔新鮮 , 炸得唔好食 , 仲要唔熱既 . 我寧願去隔離幾條街食三河屋 , 人地又平D又好食 D.  呢間餐廳係咪真係物有所值 , 真係
閱讀完整內容

2017 鹿兒島自由行- Day4

圖片
朝早去左中央站附近拎車 , 第一次自駕遊 , 上網見到 Times 呢間租車公司好似 OK, 而且佢係中央站前有得拎車 , 所以就揀左呢間啦 . 點知佢雖然寫中央站 , 我又無睇清楚地圖 , 原來黎中央站都幾遠下 . 拎住行李行到死下死下 . BB 話 不如佢去拎左車黎車我啦 , 但係用左我本 passport 去租車 , 一定要我去 . 下次醒目一定用有車牌果個人既 passport 去租車 . 終於搵到間鋪頭 , 雖然店員好多都唔識英文 , 但佢太多數既 catalog, 資料都有中英文比你睇 , 所以都唔難明 . 但係之後佢地冇啦啦叫我地加錢買多個唔知咩保險服務 ( 好似係保得多 D 野 ), 果到就好煩 , 對方搵左個識講英文既日本人係電話同我地溝通 . 但係佢 D 英文真係完全唔明 , 我地見唔係加多好多錢 , 就加埋個個保險算 . 搞完一大餐 , 有得上車 , 佢有單張介紹 GPS 點用 , 但係我地都係搞唔掂 . 我地明明上網訂左 GPS 係中文 , 點知又係顯示日文 . 最後要叫職員幫我地轉返使中文 , 但係佢所謂既中文都只係發聲既時候用普通話 , 個平幕顯示既都係日文 . 終於出發去霧島啦 , 揸左大約 1 個鐘車左右到左霧島 , 我地去左旅行人山莊 check in 先 . 呢間酒店職員大部分英文都好易明 , 唔難溝通 . 由於我地係一泊二食 , Check in 既時候佢會叫你揀埋時間食 Dinner, 同埋酒店每間房會包你 45 分鐘私人時間享用露天風呂 , Check in 既時候會叫你揀埋浸邊個 , 同埋 book 呢時間浸 . 我地都叫早黎 , 但係夜晚 8 點幾 ,9 點果 D 時間都比人 Book 左 , 我地就揀左 7:30 浸 . 佢有兩個溫泉比你揀 , 我地揀左比較受歡迎果個黎浸 . 揀完之後 , 職員會帶女仔去揀浴衣 , 女仔有得揀 , 但係男仔就得一款 , 冇得揀 . 搞掂好晒之後 , 我地就去搵野食啦 , 成日都未食過野 , 餓死人啦 . 頭先揸車經過見到霧島温泉市場有野食 , 我地就去左果度食 Lunch. 呢個雖然叫温泉市場 , 但係 10 間鋪頭都唔知有冇 .  我見 D 旅遊書介紹呢個霧島温泉市場係一個景點 , 我自己就覺得唔洗晒時間黎 , 當休息食個 Lunch 都 OK 既 . 食
閱讀完整內容