2017 鹿兒島自由行- Day2

因為酒店冇包早餐,今日我地就行左去天文館通附近搵早餐食. 條街好多店舖都未開,行左幾個街口,見到有間鋪頭裝修幾靚,D 野食好似都OK ,就仆左入去啦.誤大誤撞咁比我地搵到正野,呢間鋪頭既多士同咖啡都好好味. 唯一唔好既係,日本室內冇禁煙,岩岩後面果台有兩個日本人食緊煙,陣味真係好難頂.

食完早餐,就行返出去大街搭市電去水族館.  市電有D似香港既輕鐵. 每個站之間距離唔係好遠,統一收費,無論搭幾多個站都係170yen.上車唔洗比錢住,落車既時候先比錢.
*如何乘搭市電: http://www.kotsu-city-kagoshima.jp/cn-t/cn-t-howto/

落車後步行15-20分鐘便到達水族館. 場內有免費儲物櫃, 使用時投入100yen, 使用後100yen會退還給你. 另外, 館內有售賣與平川動物公園、仙巖園、知覽特攻平和會館的優惠套票. 由於明天行程中會去到仙巖園,套票售價2000yen.水族館+ 仙巖園原價2500yen, 慳左500yen!!

水族館資料:

• 營業時間: 9:30 -18:00
• 入場費: 1500yen

水族館網址: http://ioworld.jp/traditional_chinese#anchor3

黎到水族館最想睇海豚表演,但係竟然暫停. 水族館唔算好大, 行左個幾鐘就行完, 最後都叫比我睇到餵海豹, 好過無啦.

水族館附近有個公園同埋Dolphin Port. Dolphin Port 入面有D賣手信既地方同埋餐廳. 

係公園到影左一陣相,我地就去左Dolphin Port 搵餐廳食lunch. 呢度有間迴轉壽司上網介紹話都幾出名, 不過太凍好想食熱野,我地就去左一間食黑毛和牛同黑豚燒既餐廳. 黑毛和牛最靚果隻冇貨,我地就揀左次一級既, ,但係都已經好好食,脂肪分佈均勻, 唔會有好油膩既感覺.呢餐計番大約每位300港幣, 而且飯同飲品都係任添架.

黑毛和牛

黑豚肉

食飽飽經過有個足湯,可以免費比人浸腳,我地緊係試下啦,坐下又5分鐘,坐下又5分鐘,坐到唔願走,食飽飽又有熱水浸住腳,好想係到訓返個晏覺^^

浸左幾個字之後,去左隔離鋪頭買左D手信就搭返市電返酒店, 返酒店放低晒D相機同戰利品就去下一個景點,天文館通shopping!

血拼了數小時後……

一早上網搵左呢間鹿兒島好出名既拉麵店”我流風拉麵” 食我地今晚既Dinner. 呢間鋪頭首先要係門口有部類似自動售買機顯示晒有咩食,買左飛先,之後店員就會安排顧客入座. 我身邊果位人兄,超級鐘意食拉麵,佢就話D叉燒好正,麵身軟硬適中,做到掛湯,但係就太多芽菜,佢唔係咁鐘意. Dinner 後又係shopping 時間,行左兩間藥妝都行左個幾鐘. 之後行返酒店途中,發現原來我地酒店附近有間開到凌晨既激安之殿堂. 我地決定返去酒店放低戰利品,休息一陣,再去激安之殿堂行過. 最後我地行到12點幾先返酒店.

Dinner 後又係shopping 時間,行左兩間藥妝都行左個幾鐘. 之後行返酒店途中,發現原來我地酒店附近有間開到凌晨既激安之殿堂. 我地決定返去酒店放低戰利品,休息一陣,再去激安之殿堂行過. 最後我地行到12點幾先返酒店.