適合朋友聚會同拍拖既西班牙菜[尖沙咀]

Playa de Papagayo

電話號碼: 2323 1379
地址: 尖沙咀天文臺道8號地下2號舖

話說之前我男朋友話想同屋企人食飯, 佢叫我幫佢搵下食咩,我問佢有冇咩特別要求呀. 佢話之前試過既種類都唔想再試住. 我心諗你中,西, 日, 韓, 台, 泰都食過晒啦. 到底搵咩比你食呀, 大佬! 最後比我搵到呢間西班牙餐廳, 真心覺得自己好勁!

餐廳既環境好靚,好舒服, 唔會坐的好迫. 侍應既服務態度都好好. 食物就更加唔洗講, 真係好好食. 我地點左法國鵝肝雞肉意大利飯, 烤焗香辣豬仔骨, 7吋原條焗蒜香麵包同西班牙香料原條牛仔骨.

法國鵝肝雞肉意大利飯, 鵝肝好香, 入口即溶, 唔會好溜.

法國鵝肝雞肉意大利飯 $168

蒜香麵包,焗得好香, 唔會焗得太乾唔會太油. 蒜香味唔太濃, 唔會食完個口成陣味.

7吋原條焗蒜香麵包 $38

烤焗香辣豬仔骨, 好香口, 辣辣地好開胃.可能其他人會覺得焗得太乾身, 但係我對於我黎講岩岩好.

烤焗香辣豬仔骨 $78

最後個西班牙香料原條牛仔骨, 反而有D失望. 因為味道唔算太入味. 得面頭入面有D香料, 唔知係咪因為條牛仔骨太大條好難整到D香科入味, 所以下次未必會再試呢個.

西班牙香料原條牛仔骨$348

呢間餐廳其實好適合朋友聚會同拍拖, 有得Book位, 我果次去係星期5. 雖然Book既時候佢話限時兩個鐘, 兩個鐘後要交台. 但係最終我地食超過兩個鐘都無叫我地埋單走. 同埋宜家人年紀愈大, 放工已經好攰, 已經冇心情去等位, 有得Book位真係岩晒我.